Kynningarfundur og undirbúningsnámskeið vegna löggildingarprófa fyrir dómtúlka og skjalaþýðendur

Kynningarfundur og undirbúningsnámskeið vegna löggildingarprófa fyrir dómtúlka og  skjalaþýðendur

Löggildingarpróf fyrir dómtúlka og skjalaþýðendur verður haldið í febrúar 2020, að undangengnu kynningar- og undirbúningsnámskeiði á vegum Þýðingarseturs Háskóla Íslands. Kynningarfundur og undirbúningsnámskeið fyrir þá sem hyggjast þreyta löggildingarpróf verður haldið haustið 2019.  Próftökum er skylt að sækja undirbúningsnámskeiðið, nema þeir hafi áður þreytt prófin.
Nánari upplýsingar verða aðgengilegar fyrri hluta árs 2019.

Umsóknir á eyðublöðum sem fást hjá Sýslumanninum í Vestmannaeyjum og á vefnum www.syslumenn.is skulu berast Sýslumanninum í Vestmannaeyjum, Heiðarvegi 15, 900 Vestmannaeyjum eða rafrænt á netfangið skjalathydendur@syslumenn.is.
Prófgjald fyrir þá sem taka prófið í fyrsta sinn í báðar áttir 296.000 kr. en 222.000 kr  fyrir þá sem taka prófið aðeins í aðra áttina eða eru að endurtaka prófið.
Ath. upphæðin er á verðlagi 2018 og get því mögulega breyst.

Prófgjaldið skal greiða inn á reikning embættisins og skal staðfesting á greiðslu fylgja umsóknum eða sendast sérstaklega á ofangreint netfang.  Námskeiðsgjald er innifalið í prófgjaldi.   Nánari upplýsingar veitir Sýslumaðurinn í Vestmannaeyjum í síma 458 2900 og á netfanginu skjalathydendur@syslumenn.is.

Sýslumaðurinn í Vestmannaeyjum,

12. desember 2018