Breytt útlit og nýr framleiðandi ökuskírteina

31.5.2013

Frá og með mánudeginum 3. júní 2013, verða öll ökuskírteini sem skráð verða hjá afgreiðslustöðum sýslumanna um landið framleidd hjá ungverska fyrirtækinu ANY Security Printing Company PLC í Búdapest.

Vegna aukinna krafna um öryggi og gæði ökuskírteina og upplýsinga á þeim í tilskipun Evrópusambandsins og reglugerð um ökuskírteini nr. 830/2011, mun ekki verða mögulegt að nýta þær passamyndir sem þegar er búið að skrá í ökuskírteinaskrána og verða allir sem sækja um nýtt ökuskírteini að skila nýrri passamynd með umsókninni.

Ökuskírteini verða pöntuð einu sinni í viku og verður skilað á afgreiðslustaðina sjö dögum síðar.   Öryggismiðstöðin sem er samstarfsaðili ANY Security Printing Company PLC mun annast dreifingu skírteinanna.


Að mestu orðrétt heimild:  Frétt á vef ríkislögreglustjóra, rls.is,