Staða fjölskyldumála hjá Sýslumanninum á höfuðborgarsvæðinu

Uppfært 24.03.2020

Vegna málafjölda og manneklu hefur til langs tíma ekki verið hægt að taka öll mál til meðferðar strax í kjölfar þess að þau berast embættinu. Hér að neðan má finna upplýsingar um að það hvaða mál hafa verið tekin til umfjöllunar. Vakin er athygli á að upplýsingarnar eiga við um erindi þar sem annað foreldri leggur inn beiðni og óskar umfjöllunar sýslumanns. Málsmeðferðartími annarra mála, t.d. vegna skilnaða, sambúðarslita, staðfestinga á samningum foreldra o.fl. er mun styttri. Bent er á upplýsingar um önnur mál á vefsíðu sýslumanna.

Ekki er hægt að veita nánari svör um það hvenær tiltekin mál verða tekin til umfjöllunar.

Dagsektarmál

Beiðnir um álagningu dagsekta eru teknar til umfjöllunar þegar þær berast.

Umgengni – Forsjá – Lögheimili
Umgengni – Forsjá – Lögheimili: erindi sem bárust fyrir 8. júlí 2019 hafa verið tekin til umfjöllunar.

Meðlag – Sérstakt framlag - Menntunarframlag

Erindi sem bárust fyrir 8. júlí 2019 hafa verið tekin til umfjöllunar.

Mál sem vísað hefur verið í sáttameðferð

Mál sem vísað var í sáttameðferð fyrir 25. júní 2019 hafa verið tekin til umfjöllunar hjá sáttamönnum.

Ættleiðingarmál – Frá Íslenskri ættleiðingu

Erindi frá Íslenskri ættleiðingu eru tekin til umfjöllunar þegar þau berast.

Ættleiðingarmál - Önnur

Erindi sem bárust fyrir 2. október 2019 hafa verið tekin til umfjöllunar.