Embættin

Um sýslumenn gilda  lög nr. 50/2014 um framkvæmdarvald og stjórnsýslu ríkisins í héraði.

Sýslumenn fara með framkvæmdarvald og stjórnsýslu ríkisins í héraði, hver í sínu umdæmi, eftir því sem lög og reglugerðir eða önnur stjórnvaldsfyrirmæli kveða á um. Þar á meðal fara þeir með innheimtu opinberra gjalda, að því leyti sem hún er ekki falin öðrum.

Embætti sýslumanna heyra undir ráðherra, nú dómsmálaráðherra, samkvæmt forsetaúrskurði nr. 15/2017 um skiptingu sjórnarmálefna milli ráðuneyta í Stjórnarráði Íslands og forsetaúrskurði nr. 4/2017 um skiptingu stjórnarráðs Íslands í ráðuneyti.

Landið skiptist í níu umdæmi sýslumanna 

1. Umdæmi Sýslumannsins á höfuðborgarsvæðinu
2. Umdæmi Sýslumannsins á Vesturlandi
3. Umdæmi Sýslumannsins á Vestfjörðum
4. Umdæmi Sýslumannsins á Norðurlandi vestra
5. Umdæmi Sýslumannsins á Norðurlandi eystra
6. Umdæmi Sýslumannsins á Austurlandi
7. Umdæmi Sýslumannsins á Suðurlandi
8. Umdæmi Sýslumannsins í Vestmannaeyjum
9. Umdæmi Sýslumannsins á Suðurnesjum

Umdæmamörk sýslumannsembætta skulu ákveðin í reglugerð sem ráðherra setur með hliðsjón af skipulagi annarrar opinberrar þjónustu í umdæminu.  Ákvæði um umdæmi, skrifstofur og útibú sýslumanna er að finna í reglugerð nr. 1151/2014 um umdæmi sýslumanna, með síðari breytingum, sbr. reglugerð nr. 44/2017 og reglugerð nr. 532/2017. 

Sum verkefni sem sýslumenn sinna eru falin einu eða fleiri embættum á landsvísu, sjá nánar hér.