Skírteini, vegabréf og vottorð

Almennt um skírteini, vegabréf og vottorð

• Sýslumenn  gefa út eða afgreiða skírteinin. Það fer eftir ákvæðum einstakra laga hver annast afgreiðslu eða útgáfu þessara leyfa og skírteina í umdæmi sýslumannsins á höfuðborgarsvæðinu og er þess getið hverju sinni.
• Dvalarleyfi
  Sýslumenn utan höfuðborgarsvæðisins ásamt Útlendingastofnun annast móttöku umsókna um dvalarleyfi fyrir útlendinga og afhendingu slíkra leyfa.   Útlendingastofnun annast úrvinnslu og útgáfu dvalarleyfa fyrir allt landið.
  

• Nafnskírteini
  Þjóðskrá Íslands gefur út nafnskírteini en sýslumenn utan höfuðborgarsvæðisins annast móttöku umsókna.
  

• Sakavottorð
  Sýslumenn gefa út sakavottorð (einkavottorð).  Vottorðin eru aðeins gefin út að ekki sé skráð í sakaskrá dómur eða önnur viðurlög sem viðkomandi hefur hlotið.  Sé um slíkt að ræða ber að snúa sér til embætti ríkissskasóknara til að fá vottorðið útgefið.
  

• Vegabréf
  Þjóðskrá gefur út íslensk vegabréf. Sækja má um þau á skrifstofum allra sýslumanna.   Nánari upplýsingar á www.vegabref.is

• Ökuskírteini
  Sýslumenn  annast móttöku á umsóknum um ökuskírteini og gæta þess að öll skilyrði séu uppfyllt og annast jafnframt afhendingu þeirra.     Ríkislögreglustjóri er útgefandi ökuskírteina.

•   P-kort fyrir hreyfihamlaða                                                                                                                                 Sýslumenn  annast móttöku á umsóknum um P-kort og annast útgáfu þeirra. Nánari upplýsingar á vef þekkingarmiðstöðvar Sjálfsbjargar.  http://www.thekkingarmidstod.is/rettindi/p-merkip-staedi/