Sýslumanninum í Reykjavík falið að veita leyfi til ættleiðinga

2.1.2012

 

31. desember 2011 gekk í gildi ný reglugerð innanríkisráðherra um veitingu leyfa til ættleiðinga, sem felur í sér að frá og með 1. janúar 2012 annast sýslumaðurinn í Reykjavík veitingu leyfa til ættleiðinga.

Með reglugerð frá árinu 2006 var sýslumanninum í Búðardal falið að annast leyfi til ættleiðinga en með hinni nýju reglugerð flytjast slíkar leyfisveitingar til sýslumannsembættisins í Reykjavík. Sýslumaðurinn í Reykjavík tekur við meðferð mála sem kann að vera ólokið 1. janúar 2012 hjá sýslumanninum í Búðardal og lýkur afgreiðslu þeirra. Nýjum umsóknum um ættleiðingar og forsamþykki til ættleiðingar á erlendum börnum skal beint til sýslumannsins í Reykjavík frá og með 1. janúar 2012.

Heimild:   Frétt á vef innanríkisráðuneytisins:  www.irr.is