Leyfi, skírteini, skráningar

Hér er fjallað um leyfi og skírteini sem sýslumenn utan umdæmis sýslumannsins í Reykjavík gefa út eða afgreiða. Það fer eftir ákvæðum einstakra laga hver annast afgreiðslu eða útgáfu þessara leyfa og skírteina í umdæmi sýslumannsins í Reykjavík og er þess getið hverju sinni.

Vegabréf
Þjóðskrá gefur út íslensk vegabréf. Sótt er um þau hjá sýslumönnum utan umdæmis sýslumannsins í Reykjavík en á höfuðborgarsvæðinu er aðalafgreiðsla þeirra hjá sýslumanninum í Kópavogi, Dalvegi 18, Kópavogi. Nánari upplýsingar á www.vegabref.is
Ökuskírteini
Sýslumenn utan umdæmis sýslumannsins í Reykjavík annast móttöku á umsóknum um ökuskírteini og afhendingu þeirra en lögreglustjóri höfuðborgarsvæðisins í umdæmi hans. Ríkislögreglustjóri er útgefandi ökuskírteina.
Leyfi til sölu gistingar og veitinga, tækifærisleyfi vegna skemmtanahalds og tímabundin áfengisveitingaleyfi
Sýslumenn utan umdæmis sýslumannsins í Reykjavík og lögreglustjóri höfuðborgarsvæðisins í umdæmi hans veita þessi leyfi. Um eftirtalin leyfi er að ræða, sbr. lög nr. 85/2007 um veitingastaði, gististaði og skemmtanahald og samnefnda reglugerð nr. 585/2007:
a) Sala á gistingu
b) Sala og veitingar hvers kyns veitinga í atvinnuskyni á veitingastöðum og gististöðum og öðrum stöðum, svo sem samkomusölum eða um borð í skipum.
c) 1) Tækifærisleyfi vegna skemmtanahalds 2) Tímabundin áfengisveitingaleyfi
d) Útleiga samkomusala í atvinnuskyni

Dvalarleyfi fyrir útlendinga
Sýslumenn utan umdæmis sýslumannsins í Reykjavík annast móttöku umsókna um dvalarleyfi fyrir útlendinga og afhendingu slíkra leyfa, en Útlendingastofnun í umdæmi sýslumannsins í Reykjavík. Útlendingastofnun annast úrvinnslu og útgáfu dvalarleyfa fyrir allt landið.

Nokkur leyfi sem lögreglustjórar einir gefa út en sækja má um og greiða fyrir hjá sýslumönnum:
Hér eru talin upp nokkur leyfi sem lögreglustjórar einir gefa út en fá mátti gefin út hjá öllum sýslumönnum utan Reykjavíkur til 1. janúr 2007. Leyfin eru þessi :

Leyfi útgefin á grundvelli vopnalaga
Skipta má efninu í eftirfarandi undirflokka:

Um skotvopn
Leyfi er varða innflutning og sölu skotvopna eru gefin út af ríkislögreglustjóra. Leyfi til þess að kaupa og eiga skotvopn eru gefin út af lögreglustjórum.
Um skotelda
Leyfi til framleiðslu, innflutnings og sölu skotelda í heildsölu eru gefin út af ríkislögreglustjóra. Leyfi til sölu skotelda í smásölu og leyfi til skoteldasýninga eru gefin út af lögreglustjórum.
Um sprengiefni
Leyfi til innflutnings og sölu eru gefin út af ríkislögreglustjóra. Leyfi til kaupa á sprengiefni og ýmis leyfi er varða notkun eru gefin út af lögreglustjórum.

Brennuleyfi (umsóknareyðublað fyrir lögreglustjóra höfuðborgarsvæðisins)

Umsókn um leyfi ti að kveikja varðeld (umsóknareyðublað fyrir lögregluna í Árnessýslu)

Umsókn um sinubrennu (umsóknareyðublað fyrir lögregluna í Árnessýslu)

Leyfi til skoteldasýsningar (umsóknareyðublað fyrir lögreglustjóra höfuðborgarsvæðisins)

Leyfi til kaupa á eiturefni