Innheimta opinberra gjalda

Sýslumenn utan umdæmis sýslumannsins í Reykjavík annast innheimtu opinberra gjalda fyrir ríkissjóð, en Tollstjórinn í umdæmi hans. Nefnast þessir aðilar innheimtumenn ríkissjóðs.   

Helstu skattar og gjöld til innheimtu hjá sýslumönnum (innheimtumönnum ríkissjóðs) eru :

• Þinggjöld og sveitarsjóðsgjöld sem tengjast þeim
• Virðisaukaskattur
• Bifreiðagjöld
• Þungaskattur
• Skipagjöld
• Skipulagsgjald
• Skattsektir

Öll embætti sýslumanna utan Reykjavíkur og tollstjórinn veita upplýsingar um stöðu gjaldenda úr miðlægu innheimtutölvukerfi. Nánari upplýsingar um framgang einstakra innheimtumála og númer bankareikninga sem greiða má gjöldina inn á veitir embætti í því umdæmi sem gjaldandi er skráður til heimilis.  Á síðum einstakara embætta má sjá númer banakreikninga sem leggja skal inn á.  Sjá hér

Vanskil: 

Gjöld sem ekki hafa verið greidd á eindaga verða að skuld (kröfu).

Innheimtumanni er skylt  að innheimta allar kröfur, einnig þær sem eru vegna áætlana frá skattyfirvöldum. Það frestar ekki vanskilaúrræðum þótt skattskýrslu hafi ekki verið skilað inn eða skattálagning verið kærð.  

Vakin skal athygli á að innheimtumenn ríkissjóðs hafa ekki heimild til að semja um eða fella niður dráttarvexti eða vanskilaálögur né breyta álagningu skatta og gjalda.  .

Dráttarvextir reiknast samkvæmt lögum um vexti og verðtryggingu á gjaldfallna kröfu frá gjalddaga. Í einstöku tilvikum bætist við vanskilaálag sem reiknast af höfuðstól.

Um einstök vanskilaúrræði má m.a. fá upplýsingar hér (vísað er á vef tollstjórans, www.tollur.is)    

Upplýsingar um stöðu gjalda:

Um upplýsingar um stöðu einstakra gjalda vísast á vefsíðu einstakra embætta 

Tengdar vefsíður:
Vefur tollstjóra  
Ríkisskattstjóri