Saga embættis sýslumannsins í Bolungarvík

Frá 1934 til 1974 voru þeir sem gegndu því embætti sem nú samsvarar embætti sýslumannsins í Bolungarvíkn nefndir lögreglustjórar og voru þeir jafnframt framkvæmdastjórar sveitarfélagsins sem þá nefndist Hólshreppur. Eftir 5. apríl 1974 er sveitarfélagið fékk kaupstaðarréttindi nefndust þeir sem gegndu embættinu bæjarfógetinn í Bolungarvík og sveitarfélagið Bolungarvíkurkaupstaður, frá og með þeim tíma hættu þeir jafnframt afskiptum af stjórn sveitarfélagsins.  Frá og með 1. júlí 1992 nefnast þeir sem gegna embættinu sýslumaðurinn í Bolungarvík.  Þá var dómsvald jafnframt fært frá embættinu til sérstakra dómstóla.  1. janúar 2007 var lögreglustjórn og tollstjórn færð frá embættinu.  Með reglugerð nr. 8/2009 um skoðun ökutækja var embættinu falin álagning og innheimta vanrækslugjalds á landsvísu.

Þessir hafa gegnt embætti lögreglustjóra / bæjarfógeta / sýslumanns í Bolungarvík 

Páll Jónsson, lögreglustjóri, 1934 - 1940  

Jóhann Teitsson, lögreglustjóri, 1940

Sigurður M. Helgason, lögreglustjóri, 1940 - 1945

Axel V. Tulinius, lögreglustjóri, 1945 - 1953

Kristján Ólafsson, lögreglustjóri, 1948 - 1949

Friðrik Sigurbjörnsson, lögreglustjóri, 1953 - 1963

Jón G. Tómasson, lögreglustjóri, 1963 - 1966

Hafsteinn Hafsteinsson, lögreglustjóri 1966 - 1968

Þorkell Gíslason, lögreglustjóri 1968-1972

Gísli Ísleifsson, lögreglustjóri 1972 - 1973

Barði Þórhallsson, lögreglustjóri frá 1973 - 1974 og bæjarfógeti frá 1974 - 1977

Halldór Kristinsson, bæjarfógeti 1977 - 1986

Adólf Adólfsson, bæjarfógeti 1986 - 1990

Jónas Guðmundsson, bæjarfógeti 1990 - 1992 og  sýslumaður frá 1992