Erfðafjárskattur

Greiða skal 10% erfðafjárskatt af öllum fjárverðmætum að frádregnum skuldum og kostnaði er við skipti á dánarbúi manns renna til erfingja hans. Þessi regla gildir einnig um fyrirframgreiddan arf.

Undantekningar:

Engan erfðafjárskatt skal þó greiða af fyrstu 1.500.000 kr. í skattstofni dánarbús og skulu erfingjar njóta skattfrelsis í hlutfalli við arf sinn. Þetta gildir þó ekki um fyrirframgreiðslu arfs.

Þá greiða maki arfleifanda, einstaklingur í staðfestri samvist með arfleifanda og sambúðarmaki sem stofnað hefur til óvígðrar sambúðar við arfleifanda og tekur arf eftir hann samkvæmt erfðaskrá þar sem stöðu hans sem sambúðarmaka arfleifanda er ótvírætt getið, ekki erfðafjárskatt .

Heimild:   2. gr. laga nr. 14/2004 um erfðafjárskatt .

_{Uppfært 03.06.2011}