Gjaldtaka

Hér er að finna upplýsingar um þau gjöld sem greiða ber til ríkissjóðs fyrir þau gögn eða þjónustu sem um ræðir. Um flest þessi gjöld gildir að mælt er fyrir um greiðslu þeirra í lögum nr. 88/1991 um aukatekjur ríkissjóðs.

Að jafnaði er gert ráð fyrir að greitt sé fyrirfram fyrir gögn eða þjónustu sem látin er í té. Aðeins er tekið við reiðufé í íslenskum krónum, greiðslum með debetkortum eða ávísunum /t ékkum, sem gjaldkeri samþykkir. Einnig má greiða úr heimabanka inn á reikning viðkomandi embættis, sem tilgreindur er á vefsíðu hvers embættis - þá er mikilvægt að fram komi upplýsingar um hvað verið er að greiða (skýring greiðslu).

Ekki er tekið við greiðslum með kreditkortum.   

Ef gjaldandi af einhverjum ástæðum á rétt á afslætti af tilteknu gjaldi, t.d. fyrir vegabréf eða ökuskírteini, og það er vegna aldurs eða örorku ber viðkomandi að greina frá því áður en greiðsla er innt af hendi. 

Þegar innheimtumaður (sýslumaður) afgreiðir skjal sem gjald skv. lögum um aukatekjur ríkissjóðs er tekið fyrir að gefa út eða rita á ber honum að rita hið greidda gjald á skjalið, sbr. 2.  mgr. 19. gr. laganna.