Fyrirframgreiddur arfur

Heimilt er þeim sem það kýs að greiða lögerfingjum sínum og öðrum þeim sem standa til arfs eftir hann skv. erfðalögum nr. 8/1962 fyrirfram út arfshluta þeirra að hluta eða öllu leyti.

Við fyrirframgreiðslu arfs ber erfingja eða erfingjum að ganga frá og undirrita erfðafjárskýrslu og afhenda sýslumanni til yfirferðar og ákvörðunar á erfðafjárskatti, sbr. 3. mgr. 6. gr. laga um erfðafjárskatt nr. 14/2004. Skal skýrslan afhent sýslumanni í umdæmi þar sem arfláti á lögheimili.

Af fyrirframgreiddum arfi ber að greiða 10% erfðafjárskatt af öllum arfshlutanum, sbr. 2. gr. laga um erfðafjárkatt. 

Nálgast má form erfðafjárskýrslu og fylla út hér (pdf-skjal) á vef ríkisskattstjóra, rsk.is. 

Eyðublöð:

Erfðafjárskýrsla (hægt að fylla út beint) á vef ríkisskattstjóra

Yfirlýsing vegna fyrirframgreidds arfs (fasteign).

_{Uppfært  20.04.2010.}